تی کاسَه چومان …

به گزارش پایگاه اطلاع رسانی دیارمیرزا،  شعر زیبای “تی کاسَه چومان …” اثر مرحوم عزیز حسینی گوراب پسی توسط “میرزایی‎ها” و با کمک هوش مصنوعی به زبان گیلگی در دو نسخه به یاد میرزا کوچک جنگلی خوانده شده است.

? تی کاسَه چومان …
✍️ شعر : مرحوم عزیز حسینی گوراب پسی

وقتی کی مرا یاد، آیِه، جَنگَلِه گیلان
مَردانِگی و هِمَّت مَردانِ مُوسَلمان
وقتی کِه دینَم سَبزیِه جِ وَلگِه دِرختان

حَسرَت خورَم از سَبزیِه تی اون دو تا چومان
می دیلَه میان گویَم، با حسرت و هِرمان
خَیفَ بوخوسَه خاکا دُرون، تی کاسَه چومان
خَیفَ بوخوسَه خاکا دُرون، تی کاسَه چومان

وقتی کِه دینَم دیوارِ جِ عکسِ شهیدَ
وقتی کِه دینَم کوهانِ سَر وَرفِ سفیدَ
بد عهدی یاران واوینِه پاک می اومیدَ

خاطِر آوَرَم سَرمایِ اون روزَه تی دوران
می دیلَه میان گویَم، با حسرت و هِرمان
خَیفَ بوخوسَه خاکا دُرون، تی کاسَه چومان
خَیفَ بوخوسَه خاکا دُرون، تی کاسَه چومان

هفت سال تمام، کار تی شین جنگ و جَدَل بو
چاروق بِتی پا، مَتْکِه تی شین سنگ و کَتَل بو
تی دوشمَنِ روبا صِفَتی، هَمَّه هَچَل بو

آخر نَمانِستَه تِرَه کَس، غِیرِ گائوک خان
می دیلَه میان گویَم، با حسرت و هِرمان
خَیفَ بوخوسَه خاکا دُرون، تی کاسَه چومان
خَیفَ بوخوسَه خاکا دُرون، تی کاسَه چومان

تی جانِ عزیزَ بوکودی قوربانِه مَردوم
تا رفع سِتَم تو بوکونی از جانِ مَردوم
وابَستَه بو تی جان و تی دیل، با جانِ مَردوم

فرمانبَرِ حَق بیو فدائیِّ تی ایمان
می دیلَه میان گویَم، با حسرت و هِرمان
خَیفَ بوخوسَه خاکا دُرون، تی کاسَه چومان
خَیفَ بوخوسَه خاکا دُرون، تی کاسَه چومان

دِ ویری، ویری میرزا، اَلان وَقتِ صَفایَه
دِ ویری، کِ وَقتِ کُمَکِه دینِ خودایَه
دِ ویری کِه ایران، هَمِه جا کَرْب و بَلایَه

هَر جایِ وَطَن، ایسَه گولزارِ شهیدان
می دیلَه میان گویَم، با حسرت و هِرمان
خَیفَ بوخوسَه خاکا دُرون، تی کاسَه چومان
خَیفَ بوخوسَه خاکا دُرون، تی کاسَه چومان