به یاد وفادارترین و غریب ترین یار میرزا: گائوگ آلمانی(هوشنگ)
گائوک تا واپسین لحظات در کنار کوچک خان ماند و همراه او بر اثر سرما یخ زد و جان سپرد.
به گزارش پایگاه اطلاع رسانی دیارمیرزا، شعر تراب کامران به یاد وفادارترین و غریب ترین یار میرزا: گائوگ آلمانی(هوشنگ)
مردی بامو جا گردِ را،جنگله جه پنا بوکود
جنگلهِ شیرانِ مراٰ شانه به شانه را بوکود
دوشمنِ ورجا جا نزهَ ،میرزایهَ پوشت پانزه
عشق و ارادتِ مرا ،جان و سرهَ فدا بوکود
علم بوکود خو قامتهَ هرجا بیده شرارتهَ
قیامِ جنگلهِ مرا، قیامتی بپا بوکود
اگر چی اون غریبهَ بو ،جنگلهِ ایلجاره ور
خویشی و همزبانیهَ جنگلهِ جا بینا بوکود
حقِ رهِ قد علم بوکود ، حقهِ رهِ جان فدابوکود
نوبو طلبکارهِ کسی ، مامله با خودا بوکود
جنگلهِ گردابوستنهِ نانی چی خونهِ دیل بخورد
جا هر طرف اوخان بزه ،جنگلهَ هم صدا بوکود
حیفهَ کی اَ دیل آورهِ نام ونیشان اویرهَ بَه
اون کی خو زندگانیهَ وقفِ من وشما بوکود
جنگلهِ دیل تنگهَ گائوگ تی مهربان اوخانهِ ره
ایلاهی بشکفه او دس جنگلهَ وارجینا بوکود
هنوز هنوزه جنگلان عزا داره تی غربتهِ
دومورده ابرانهِ مرهَ جی بس تی ره هرابوکود
دانم کی خونه دیل تی شین رفیقه نانجیبه دس
خو عهدِ سر وفا نوکود، دوشمنهِ امراتابوکود
ئیوار دِ دسکلا بزن ،دیل آورانه گرده کون
ماندی بوکوده یارانه ،جارسونه روبرابوکون
قضایه روزگار ایروز دوتا پیلهِ دیل آورهَ
کس کسه امرا جورَ کود،عالمهَ پور صدابوکود
میرزا مرهَ به را دکفت،میرزا مره جاپادکفت
میرزا مرهَ قصد سفر به عالمِ بقا بوکود
تشکر از میرزاییها
دیدگاه